Online News Dainik

रातिको त्यो पहिरो जसले बगायो दुई बस सहित ६२ जनालाई

बिहीबार राति ८ बजेको समयमा ६५ जना यात्रु बोकेर दुई वटा बसहरू आफ्नो गन्तव्य तर्फ हिडेका थिए। २ बजेसम्म ति बसहरू आफ्नो गन्तव्यमा पुग्ने इच्छा सहित गुडिरहे। अचानक त्यो बिपत्ति आयो जसले यात्रुको घरका मानिसहरूको सपना र उद्देश्यलाई बगाएर त्रिसुलीमा पुर्यायो! कति हतार थियो होला, कति काम थियो होला! सपनाहरु बोकेर हिँडेका थिए होलान् ! आफन्त परिवारले पुग्ने वित्तिकै कल गर है भनेका थिए होलान् ! कहाँ निर आइपुग्यौ भन्दै फोनकल पनि भइरहेको थियो होला ! कति निदाएका थिए होलान्! कति मोबाइल हेर्दै थिए होलान्!…… अचानक नसोँचेको बिपत्ति आयो चिच्याउँदा चिच्याउँदै रुँदै कहाल्लिँदै क्षण भरमै जिवन मृत्युमा बदलियो,सबैकुराको अन्त्य भयो । हर घरमा खबर पुग्यो घर ,समाज शोकमा डुब्यो खबर झुटो होस् भन्ने नि लाग्यो तर न त फोन लाग्छ न त म यहाँ पुगे भन्ने फोन नै आउँछ जे बित्दै छ तेहि परिवारमा बित्दै छ। सबै सम्बन्धित निकायहरु तिनका खोजिमा छन् घटनाक्रमको खोज अनुसन्धान हुँदैछ । घर,परिवार,समाज,गाँउ,शहर सिङ्गो देश नै सास वा लासको पर्खाइमा छ । घटना हो शुक्रबार राति करिब साढे २ बजेको। वीरगन्जबाट काठमाडौंतर्फ जादै गरेको बा ३-०१-००६ ख १५१६ नम्बरको एन्जल बस र काठमाडौँबाट गौरतर्फ जादै गरेको बागमती प्रदेश–०३–००१ख २४९५ नम्बरको गणपति बसलाई चितवनको भरतपुर महानगरपालिका वडा नं २९ सिमलताल स्थित नारायणगढ मुग्लिन सडक खण्डमा आएको पहिरोले दुई वटै बसलाई त्रिसुली नदिमा पुर्याएर बेपत्ता बनाएको थियो। दुई वटै बसमा करिब ६५ जना यात्रु थिए। गणपति बसबाट ३ जना मानिसहरु हाम फालेर ज्यान बचाउन सफल भए तर एन्जल बसको यात्रीहरूको अतोपत्तो चलेन। उनीहरुले आफ्नो ज्यान बचाए पनि आफन्त र साथीहरूको ज्यान बचाउन सकेनन् । ज्यान बचाउन‌ सफल भएकाहरु रौतहट सिस्वा धमौरा गरूडा-९ का जुगेश्वर राय यादव र करूनिया देवाही गोनाही नगरपालिका-१ का नन्दन दास र रौतहट कै सरोज गुप्ता थिए। उनीहरु‌ घाइते भएपछि चितवन मेडिकल कलेजको भरतपुरमा रहेको शिक्षण अस्पतालमा उपचार भइरहेको छ । एकजना समान्य घाइते गुप्ता उपचार पछि डिस्चार्ज भएका हुन्। घाइते जुगेश्वरका छोरी, छोरा र नाति नातिनी पनि बस मै थिए । उनीहरूको अवस्था अज्ञात छ । छोराको उपचारका लागि काठमाडौं गएर घर फर्कँदै गर्दा घटना भएको उनले बताए । सडकबाट बस पाँच बल्ड्याङ खाएर नदीमा पुगेको जुगेश्वरले सुनाए । बस सहित त्रिसुलीमा बेपत्ता भएकाहरुको केही मानिसहरूको परिचय खुलेको छ। एन्जल बसमा २६ जना र गणपतिमा ३१ यात्रु रहेको खुलेको छ । यदपी यि संख्या बढेको हुन‌ सक्छ। एन्जल बसमा बेपत्ता भएकाहरुको मध्ये चालक‌ वीरगन्ज नगवाका जवाहिर महतो, सहचालक राजेन्द्र केसी, खलासी कुमार, अन्सारी (भारत), रविन दुवे, सन्तोष ठाकुर (भारत) , सुरेन्द्र साह (भारत), अर्बिन्द मियाँ (भारत), हरिन्द्र पण्डित, सुनिल साह (भारत), शेहनबाज आलम (भारत), प्रकाश पटेल, बाराको मुसरहर्वाका प्रमानन्द पण्डित, विद्या नारायण राउत, सलिम मिया र उनका पत्न्नी जैनबर खातुन, रैजुल आलम, बाराको कलैया उपमहानगरपालिका वडा नं १४ निवासी सृष्टि कुमारी यादव र सुजित कुमार रहेका थिए। एन्जल बसका यात्रुहरु मध्ये केहिले २ वटा सिट पनि बुक गरेका थिए। दुईवटा सिट बुक गर्नेहरु प्रकाश पटेल, अन्सारी, विद्या नारायण राउतले ३ वटा, सलिम र सुजित कुमार थिए। यस्तै काठमाडौँबाट गौरतर्फ जादै गरेको गणपति बसमा हाम फालेर बाचेका ३ जना बाहेक चालक किशोर कुमार, राज पटेल, प्रिन्स जैसवाल, ओकिल खाँ, नन्दु (२ वटा सिट बुक गरेको), अमिता, हरिचन्द्र, नवीन (४ वटा सिट बुक गरेको), ओम, राजकिशोर, शन्तु (२ वटा सिट बुक गरेको), शैलेन्द्र र जोरपाटी काउण्टरबाट ५ जनाको सिट छुटाइएको थियो। बसमा सिट बुक नगाराएका मानिसहरु पनि हुन सक्ने भएकोले बेपत्ता भएकाहरुको संख्या ६२ भन्दा कम वा बढी हुन सक्ने जिल्ला प्रशासन कार्यालय चितवनले जनाएको छ। घटनाको लगभग ३/४ घण्टा पश्चात नेपाली सेना, शसस्त्र प्रहरी र गोताखोर सहितको ५५ जनाको टोली बसलाई खोजी शुरु गरेका थिए। बसलाई खोज्न चुम्बक, फलामको रड, ठुलो ठुलो बासको प्रयोग गरिएको थियो। तर लगभग बेलुका ६ बजेसम्म बसको खोजी गर्दा पनि बस र यात्रु भेटिएनन्। यस्तै बुटवलबाट काठमाडौं जाँदै गरेको लु २ ख ६५६६ नम्बरको बसका चालकलाई पहिरोको ढुंगाले चोट लागेर चालकको मृत्यु भएको छ। मृत्यु हुनेमा नवलपरासीको सुनवल नगरपालिका–४ निवासी ३६ वर्षीय बस चालक मेघनाथ विक रहेका छन्। यस्तै बेपत्ता भएकाहरुको खोजीमा गएकाहरूको लागि चितवनका होटल व्यवसायीले निशुल्क खाना र बस्नको लागि व्यवस्था मिलाएको छ।

Prahalad Chaurasia २०८१ असार २९, शनिबार ०८:१० गते